Ill tíðindi

 

 

 

 

 

 

 

 

 

 

 

 

-gjá við Trölla gýs upp fjall.

Gýg úr vellur. Hart er vor.

Út um völl fer öskugjall

Einhver fellur senn úr hor.

 

 

Nýtt fjall á Fimmvörðuhálsi

Slæmt ferðaveður

 

Ferðveður víða ljótt

verða kjurir skatnar

Herðakýttir húka í nótt

 uns hér það loksins batnar

Slæmt ferðaveður víða

hreinlega...

 

sækir mál djarfur af sóma flest

sjaldan þar honum neitt yfirsést

utan hreinlega eitt

sem enginn fær breytt

eigin vanhæfni og dómgreindarbrest .

Valtýr: „Mér hreinlega yfirsást þetta"

Vonandi batnar Kastljós við þetta

Það er óskandi að þessi spjallþáttur fari nú batnandi og umfjöllun verði nú meiri um eitthvað annað en staglsama pólitíkusa og poppmúsikanta. Ekki veitir af að fjalla um mál sem varða heill og hamingju lands og lýðs. Hvar er umfjöllun um íslenskan landbúnað? Hann er jú einn af máttarstólpum samfélagsins. Einnig hefur sárlega vantað kveðskap í sjónvarpið og aðrar þjóðlegar menntir.

 

 

Kastljóssmenn nú keppist við

kvæðum skulu sinna

Bændur, magál, mörflot svið

mál er nú að kynna !

„Ömurlegt“ að sjá á eftir Þórhalli

Veður

 

 

Veðurblíðan söm við sig,

sól og vindar þíðir.

Vænir geislar vekja þig

af værðarblundi um síðir.

Bræla

Nú tel ég mál sé að mæla

er mótvindar gnauða og væla.

Veðurguð stöðugt með stæla,

stóreflis suðvestanbræla.

Bræla sunnan- og vestanlands

Rokkvíkingr

Víkingurinn sté á stól,

stefjahrun úrr hálsi gól.

Söngvinn mjök ok syndafól.

Sex and drugs and rokk and ról.

Víkingarnir hlustuðu á rokk

Oflæknirinn!

Meinsemd ekki mikil var;

á mínu nefi lítil varta.

En oflæknirinn af mér skar

alla helztu líkamsparta.

Segir ávísanakerfi ýta undir oflækningar

Tengiliður Evu

 

Af því gjöldum alla tíð, 

er því verr og miður,

þá Adam gjörðist, eina tíð.

Evu tengiliður. 

 

Góðar stundir

Tengiliður Evu Joly kostar 6,7 milljónir

Kviðlingur

Kæru landar og nýbúar til sjávar og sveita. Það er með auðmýkt sveitamannsins en jafnframt framtakssemi náttúrubarnsins sem ég læðist hér fram á ritvöllinn. Ég er þeirrar trúar að á umrótstímum eins og þeim sem nú fara í hönd hér innan lands sem erlendis sé rödd mín ekki alls ónýt. Ég vil hér miðla af reynslu minni og þekkingu. Ég hef í seinni tíð sannfærst um það sem segir í Þorleifs þætti Jarlaskállds að oft er gott það er gamlir kveða. Og talandi um að kveða þá kemur mér í hug staka:

Fram á völlu geysist grár

gamall kvæða smiður.

Á hans kolli er ekkert hár

 og í honum fátt, því miður. 

 

Góðar stundir að sinni .