Lán í ..

 

Hefur bjáni skítaskán

skuldar án vel settur

Eins mans lán er annars rán

illur smánarblettur.

Lán yfirmanna Exista felld niður

Drukku stíft á Akureyri

Vart er á Eyri lýðum líft,

lúmskir grín að hentu 

Ýmsir drukku  allt of stíft,

inn í grjótið lentu

 

Nokkrir drukku of stíft á Akureyri

Máttur hafsins

 

 

 

 

 

 

 

 

 

 

 

Kolbeinsey í kaf mun senn

Kólga hremmir skerið.

Hafið sigrar, hopa menn....

Held það geti verið...

Þyrlupallurinn í Kolbeinsey er horfinn og eyjan sjálf mun brátt heyra sögunni til

Dagleg kirkjustörf eins og venjulega

Selfosskirkju sérar tveir

saman brauði skipta.

Annar rærður öðrum meir

án þess hinn að typta.

Dagleg kirkjustörf í höndum séra Óskars

Breytt valdahlutföll forseta Íslands

 

 

 

 

 

 

 

 

 

 

 

 

 

 

 

Valdastaða víst er breytt

veröld lít ég snúna.

Áður mátti ég ekki neitt.

Ýmsu ræð ég núna.

 

Ólafur Ragnar ræðir breytt valdahlutföll í veröldinni

Og þá orti ég ....

Í Reykjavíkur ráðhúsbraggahlöðu

er ríflegt mjög af vel ilmandi töðu 

af Orkuveitumyglumoði

mun þó stafa nokkur voði

sem ........varpar skugga á viðunandi stöðu

Varpar skugga á viðunandi stöðu

Og Þá orti ég....

 

 

Senna hörð við Siglufjörð

Svigna skörð að framan

Skjálfa börð og hristist hjörð

hrynja vörður saman

 

Jörð skelfur norður af Siglufirði

Hvað er efnafræðileg mengun?

Hvað er efnafræðileg mengun?

Er það mengun af völdum efnafræði?

Jú mikið rétt. Án hugtaka fræða og vísinda er ómögulegt að ræða um fyrirbæri á skiljanlegan hátt. Efnamengun er ómögulegt orð. Innan skamms verður líka farið að ræða um jarðfræðilega skjálfta í stað jarðskjálfta. Í stað þess að tala um óveður mun verða talað um veðurfræðilega neikvætt ástand og senn birtast fjölmiðlafræðilegar úttektir á stjórnmálafræðilegum vandamálum af völdum mannfræðilegra mistaka. Ekki er heldur viðeigandi að nota gildishlaðin orð og tala um ljótt hús með ósnyrtilegum garði þegar húsið er bara fagurfræðilega vanhæft og garðurinn snyrtifræðilega óviðunandi. Það er heldur ekki fallegt að tala um að matur sé vondur þó hann sé matvælafræðilega óásættanlegur.  

 

 Við verðum að útrýma misskilningi og nota ekki of mörg orð yfir skyld fyrirbæri. Í öðrum málum er hugtakið cemical notað yfir hluti sem við hér höfum ýmist þýtt sem efna-, eiturefna- eða efnafræðilegt. Það er alger óþarfi að gera svo smásmugulegan greinarmun á skyldum fyrirbærum. Og ef fræðimenn kjósa að gera það ekki legg ég til að fjölmiðlar og almenningur leitist við að gera hið sama, þá fyrst getur umræðan færzt upp á fræðilegra og faglegra plan. 

Góðar stundir

B. B.

Efnafræðileg mengun minni en búist var við

Strókur

Sá í neðra sendir smók

sem og virðar kenna

í hvolfi veðra hvirfilstrók

hvar fjárhirðar brenna.

 

Kolsvartur strókur frá gosinu

Tom Jones með Barkabólgu

 

 

 

 

 

 

 

 

 

 

Tom, hinn velski tarfur, Djóns,

tónvís höldur míkrófóns.

lög hefur sungið sér til tjóns,

Sigvalda, eftir, Kaldalóns.

 

Tom Jones með barkabólgu