Með löggum skal lög túlka

 

Ógerlegt er oft að fara að lögum,

ef ástandið er slæmt og strembið mjög

En ég neita öllum ljótum sögum

af að hafa brotið nokkur lög

Hafnar fullyrðingu um lögbrot

Engisspretta

 

 

 

 

 

 

 

 

Hýrnar yfir brún og brá.

Brosir sól í heiði þá.

Út ég geng með orf og ljá ,

engis sprettu mun ég slá.

Fiskinn minn!

 

 

 

 

 

 

 

Flestir vilja en fáir njóta 

fiskinn veiða og aura hljóta

Sárir öllu illu hóta

eigi þeir að missa kvóta

Lagt til að ráðherra rífi frumvarpið

í orðastað biskups

Sumir æpa svei og skamm,

sannkristnir, göfuglyndir.

Heldur vil ég nú horfa fram

og hugs´ ekki um gamlar syndir

Biður þjóðina að horfa fram

Allt er gott sem endar vel

 

 

 

 

 

 

 

 

Illan fékk hann álitshnekk.

Ósatt var kveðinn segja.

Baugur því honum bætur fékk

og báðu hann um að þegja.

Fékk þóknun vegna málaferla

Heitrof

Kólna tók sú kærleiks sól.
kosta heitum var því rift
Jakob gamli á Gullinhól
gafst loks upp á Taylor Swift

Swift og Gyllenhaal hætt saman

Hver er sá flokkur?

 

Frá atkvæðagreiðslu um fjárlögin. Þingmenn VG takast á. 

 

Hver er sá flokkur svekktur, sár?

Setinn af fúlum öndum?

Vinstri gulur, grænn og blár ???

Genginn úr meistarans höndum. 

 

Visst áfall segir Steingrímur

Aumingja ég

 

 

 

 

 

 

 

Verður mér í hamsi heitt

við heimsblaðanna lestur.  

Enginn skrifar um mig neitt

sem er þó lang lang verstur.

Prentmiðlar fjalla mest um Jón Ásgeir

Bjartsýn þjóð

Þjóðin stolt sig bjartsýn ber,

bognar ei í vanda.

Hálffullt glasið einatt er 

af hamingjunnar landa.

Væntingar landsmanna aukast

Sannleikurinn

 

 

 

Á æðstu stöðum altalað

eins og lög og reglur fyrir mæla:

Sagan einatt sýnir að

sannleikurinn mun gera' yður óvinsæla

Segir allt stjórnkerfið hafa stutt Ólaf