Veður

Versna tekur veður

víða um land og sjá

Stormur muggu meður

margan kann að hrjá.

Nema þá allir inni 

undir teppi að sinni

hírist þar í húmi,

haldi sig í rúmi.

og eða liggi leður-

sófum sínum á

 

Veður fer versnandi á landinu

Skortur

Yfir sviðið er nú horft

eins og vera ber.

Sjá, fólkið líður firna skort

á forseta, eins og mér.

 

Myndin er birt án góðfúslegs leyfis forsetaembættisins ;) 

Skortur á forsetaefnum

Atvinna í boði

 

Mann sem ekki veit sitt vamm

og vasklega mun ganga fram.

Mann er sæll og syndlaus er,

sómamann og kavalér.

Mann sem hefur vizku og vit

og vogar sér í eftirlit.

Mann sem er af reynslu ríkur

en ráðvandur. Er einhver slíkur?

Vandasamt að finna forstjóra

RC COLA

 

Er sé ég kóla á kafi

í kassa þar innan um jóla-

skraut sem að eitt sinn hann afi

ætlaði með út í búr

minnist ég blómgaðra bala,

birtu og sólar á hafi.

Man svo að átti ég einnig

ágæta fernu með Svala

víst út í verkfæraskúr.

Í lokápunni

 

 

 

 

 

 

 

 

 

 

 

 

Þvegin úr salti og sápu

sælleg og þvílíkt pen

fór loks út í loðinni kápu

á lífið, hún frú Johansen

Svava Johansen mætti í loðkápu

Jón Forseti???

Á höfðinu lítið er hár

og hans virðist augnlitur grár

En ætli hann geti

orðið forseti

Íslands, hann Jón þessi Lár.

Jón Lárusson í forsetaframboð

Skúli Skýrr

Það lá að og það var og

þótti mörgum eitursnjall.

Keypti Skýrr hann Skúli Mog.

skörungur og bisneskall.

Skúli Mogensen kaupir í Skýrr

Moor kúr

 

Þegar bæði skin og skúr

skiptust á hjá Demi Moore,

megrunar- fór í feiknar kúr;

full svo langan göngutúr

Allt of mjó og lítur illa út

Framkvæmdastjóri framtaksjóðs

Allt hvað hann gerði var æ til góðs

og það furðu sætti

er Framkvæmdastjóri Framtaksjóðs

framsýnn var og hætti

Hættir hjá Framtakssjóði

Núbó létt

Hinu kínverska ljóðskáldi óska ég alls hins besta fyrir hönd íslenskra Morgunblaðsskálda með ljóði eins og vera ber.

Kom í Mogga fögur frétt,

fagna ber oss því öllum.

Núna er yfir Núbó létt,

nú mun hann byggja á fjöllum.

Huang Nubo kveðst bjartsýnn