Gufa

 

Vatn og gufa, grænleitt te

gagnlegt telur hún að sé.

Í líkamsrækt með Lindu P.

legg ég allt mitt traust og fé

 

Linda Pé undirbýr sig fyrir árshátíðina

Veður

Versna tekur veður

víða um land og sjá

Stormur muggu meður

margan kann að hrjá.

Nema þá allir inni 

undir teppi að sinni

hírist þar í húmi,

haldi sig í rúmi.

og eða liggi leður-

sófum sínum á

 

Veður fer versnandi á landinu

Atvinna í boði

 

Mann sem ekki veit sitt vamm

og vasklega mun ganga fram.

Mann er sæll og syndlaus er,

sómamann og kavalér.

Mann sem hefur vizku og vit

og vogar sér í eftirlit.

Mann sem er af reynslu ríkur

en ráðvandur. Er einhver slíkur?

Vandasamt að finna forstjóra

RC COLA

 

Er sé ég kóla á kafi

í kassa þar innan um jóla-

skraut sem að eitt sinn hann afi

ætlaði með út í búr

minnist ég blómgaðra bala,

birtu og sólar á hafi.

Man svo að átti ég einnig

ágæta fernu með Svala

víst út í verkfæraskúr.

Jón Forseti???

Á höfðinu lítið er hár

og hans virðist augnlitur grár

En ætli hann geti

orðið forseti

Íslands, hann Jón þessi Lár.

Jón Lárusson í forsetaframboð

Skúli Skýrr

Það lá að og það var og

þótti mörgum eitursnjall.

Keypti Skýrr hann Skúli Mog.

skörungur og bisneskall.

Skúli Mogensen kaupir í Skýrr

Núbó létt

Hinu kínverska ljóðskáldi óska ég alls hins besta fyrir hönd íslenskra Morgunblaðsskálda með ljóði eins og vera ber.

Kom í Mogga fögur frétt,

fagna ber oss því öllum.

Núna er yfir Núbó létt,

nú mun hann byggja á fjöllum.

Huang Nubo kveðst bjartsýnn

Með löggum skal lög túlka

 

Ógerlegt er oft að fara að lögum,

ef ástandið er slæmt og strembið mjög

En ég neita öllum ljótum sögum

af að hafa brotið nokkur lög

Hafnar fullyrðingu um lögbrot

Engisspretta

 

 

 

 

 

 

 

 

Hýrnar yfir brún og brá.

Brosir sól í heiði þá.

Út ég geng með orf og ljá ,

engis sprettu mun ég slá.